कुश्मा, असार १८। आर्थिक वर्ष २०८२/८३ को बजेटमा कुश्मा नगरपालिकाले कृषि यान्त्रीकरण विस्तार कार्यक्रम र प्लास्टिक टनेल निर्माण कार्यक्रमलाई प्राथमिकतामा राखेको छ।
पालिकाले यी दुवै कार्यक्रम सञ्चालन गर्नका लागि १ करोड ९ लाख रुपैयाँको बजेट विनियोजन गरेको छ।
उत्पादनमा आधारित कृषि क्षेत्रको विकास गरी कुश्मा नगरपालिकालाई आत्मनिर्भर बनाउने उद्देश्यका साथ खाद्य सुरक्षा प्रवर्द्धन गर्न यो बजेट विनियोजन गरिएको नगर प्रमुख रामचन्द्र जोशीले जानकारी दिनुभयो।
