जनकपुर, भदौ १ । कृषि तथा वन विज्ञान विश्वविद्यालय, निरन्तर शिक्षा केन्द्रको संयोजनमा एडीबी सथ गुरु र जेन्नेक्सको सहकार्यमा दुई दिने तालिम सम्पन्न भएको छ । एएमआर र वन हेल्थ प्रोमोसन सम्बन्धी दुई दिने तालिम जनकपुरमा सम्पन्न भएको हो ।
बुधबारदेखी संचालन भएको तालिममा मधेश प्रदेश र बागमती प्रदेशका विभिन्न स्थानीय तह, प्राविधिक शैक्षिक संस्था, निजी तथा सरकारी सेवामा कार्यरत रहेका दर्तावाल पशु चिकित्सक गरी ३० जनाको सहभागी भएको निरन्तर शिक्षा केन्द्रले जनाएको छ ।
तालिमको पहिलो दिन शिक्षा केन्द्रका प्रमुख प्राध्यापक डा.ओम प्रकाश सिंहको अध्यक्षतामा सम्पन्न भएको थियो भने विश्वविद्यालयका विद्यार्थी कल्याण निर्देशनालयका निर्देशक उप प्राध्यापक कृष्णप्रसाद थपलियाले स्वागत मन्तव्य राख्नुभएको थियो ।
दुई दिने तालिमको पहिलो दिन उप प्राध्यापक थपलिया, डा.परिसा थापा, डा. कृष्ण देव दास र डा. अमर चौधरीले आ-आफ्नो प्रस्तुति दिनुभएको थियो।
तालिमको दोश्रो दिन डा. दिव्या (सथ गुरु कन्सल्टेन्स) र मान बहादुर (जेन्नेक्स) बाट एएमआरको चुनौती र समाधानका उपाय विभिन्न दक्षिण एशियाली मुलुकका गतिविधिबारे प्रष्ट पारिएको थियो ।
साथै सहभागी तर्फबाट डा.विनोद यादवले तालिमको सिकाई, बुझाई र आफ्नो अनुभव उल्लेख गर्दै तालिम फलदायी भएको प्रतिक्रया दिनुभयो ।
दोश्रो दिनको तालिममा बोल्दै निरन्तर शिक्षा केन्द्रका निर्देशक प्राध्यापक डा. सिंहले एएमआर र वन हेल्थको बारेमा महत्व, चुनौती र समाधानका पक्षहरूलाई जोड दिनुभयो ।
सहभागिको तर्फबाट डा. जुही ठाकुरले तालिमबाट सिकेका बुझेका विभिन्न जानकारीहरूलाई कृषक स्तर समक्ष पुर्याई र आफूहरू पनि सर्तक रहि एएमआर गतिविधिलाई न्यूनिकरण गर्नेमा जोड दिदैँ वन हेल्थलाई प्रवर्द्धन गर्ने तर्फ प्रतिवद्धता जनाउनुभयो ।
