समाचार

पुष्प खेतीमा रमाउँदै रामेश्वर

भक्तपुर । 

अझै पनि नेपालमा पुष्प खेती व्यवसाय खासै फष्टाउन सकेको छैन । धेरैजसो व्यवसायी काठमाडौ केन्द्रित छन ।  देशभित्र ७०० भन्दा बढी नर्सरीमा करिव ५० हजार भन्दा बढी मानिसहरु प्रत्यक्ष अप्रत्यक्ष रुपमा जोडिएका छन । भन्सार विभागका अनुसारनेपालमा गत आर्थिक वर्षमा फूलको आयात ८,७६,१४,०२७ र  निर्यात भने ११,५६,१५९ बराबरको  मात्रै भएको थियो  । देशभित्रै सम्भावना नभएको भने होइन तापनि यसमा लाग्ने लगानी, खेती प्रविधिका बारेमा अझै पनि धेरै किसान अनविज्ञ छन । तर भक्तपुरका एक कृषक  भने विगत ७ वर्षदेखी फुलहरुसँगै रमाउँदै आउनुभएको  छ । 

सुरुमा १ लाखको लगानीमा जर्वेराको ५०० विरुवा बाट आफ्नो व्यवसाय सुरु गर्नुभएका रामेश्वर बासी ले हाल झन्डै १२ रोपनीमा फूल खेती विस्तार गर्नुभएको छ भने लगानी एक करोड भन्दा बढीको छ ।  कहिले देशमै खेतीकिसानी त कहिले बैदेशिक यात्रा.... रामेश्वरको जीवनको कथा भने पृथक किसिमको छ । 

व्यवसाय सँचालन गर्नु पुर्वका प्रक्रिया र पुजी व्यवस्थापन लगाएतका कुराहरु पनि सहज भने छैनन । हाइटेक टनेलमा फुल खेती गर्दा लगानी पनि उत्तिकै छ ।  गुणस्तरिय फुल उत्पादन गर्न प्राविधिक ज्ञान एवं राम्रो हेरचाहको पनि आवश्यकता पर्दछ ।